თავდაცვის მინისტრის თინა ხიდაშელის განცხადებით, საქართველო დამოუკიდბელი სახელმწიფო და ყველას აქვს უფლება გამოხატოს თავისი აზრი. მინისტრი, მთავრობის ადმინისტრაციასთან გუშინ გამართული აქციის შეფასებისას განმარატავს, რომ კარგი იქნებოდა დამსგავსებოდნენ იმ ადამიანებს, რომლებიც წლების განმავლობაში ატარებდნენ აქციებს საქართველოში.
,,ყველა ადამიანს აქვს მშვიდობიანი დემონსტრაციის უფლება. ვისურვები, რომ ადამიანები რომლებიც დღეს გამოდიან აქციებზე, ოდნავ მაინც დამსგავსებოდნენ იმ ადამიანებს, რომლებიც წლების განმავლობაში ატარებდნენ აქციებს საქართველოში. შეუძლია მათგან ისწავლონ ბევრი რამ, ცუდი არ იქნებოდა. საქართველო დემოკრატიული ქვეყანაა და მთავარი მონაპოვარი რომელიც ჩვენს ქვეყანას აქვს, სწორედ ეს არის”, _განაცხადა თავდაცვის მინისტრმა.
შეგახსენებთ, რომ გუშინ მთავრობის ადმინისტრაციასთან 20:00 საათზე, აქცია სახელწოდებით "STOP RUSSIA” გაიმართა. მოქალაქეებმა რუსეთთან მთავრობის პოლიტიკის გასაპროტესტებლად შეკრება 18 საათიდან დაიწყეს. აქციას მიშა მშვილდაძე უძღვებოდა.
