საქართველოს ექსპრეზიდენტის მიხეილ სააკაშვილის ბიბლიოთეკის ხელმძღვანელი ანდრო ბარნოვი აცხადებს, რომ მის მიმართ ბინძური კამპანიაა წამოწყებული. გუშინ საოკუპაციო ხაზთან მისი მისვლა და ქმედება, პოლიტიკოსებმა და საზოგადოების ნაწილმა პროვოკაციად და სამართალდამცავთა შეურაცყოფად შეაფასა.
საპარლამენტო უმრავლესობის წევრმა დავით საგანელიძემ კი სამართალდამცველებს მიმართა და ბარნოვის საოკუპაციო ხაზთან გუშინ ყოფნის ფაქტზე დაინტერესება და შესაბამისი რეაგირება მოითხოვა.
,,მინდა, შევეხო იმ ბინძურ კამპანიას, რომელიც გუშინ დაიწყეს ჩვენი მთავრობის სასიქადულო წარმომადგენლებმა, რომ მე ვითომ ვუპირისპირდები ჩვენს პოლიციელებს.
მინდა ძალიან მოკლედ ვთქვა ჩემი პოზიცია: ვარ სრულიად დარწმუნებული, რომ მალე იქნება დღე, როდესაც მეც, ჩვენი პოლიციელებიც, ჯარისკაცებიც და მთლიანად საზოგადოება ერთად ვიბრძოლებთ საქართველოსთვის და არ ვიქნებით ასეთ სამარცხვინო სიტუაციაში, როდესაც ყველას გვიწევს თავის მართლება, თუ რატომ არაფერს ვაკეთებთ როგორც ერი და ქვეყანა”, - აცხადებს ბარნოვი.
