,,ჩვენი პირდაპირი ვალდებულებაა, დავიცვათ ჩვენი მოქალაქეების და რა თქმა უნდა, კომპანიების ინტერესებიც, მაგრამ უნდა წავახალისოთ ჯანსაღი კონკურენცია, - ასე გამოეხმაურა საქართველოს პრემიერ-მინისტრი ირაკლი ღარიბაშვილი, კონკურენციის სააგენტოს გადაწყვეტილებას, ნავთობკომპანიების დაჯარიმების შესახებ.
მთავრობის მეთაურმა აღნიშნა, რომ ნავთობპროდუქტების ბაზრის შესწავლის პროცესი აბსოლუტურად გამჭვირვალე იყო და კონკურენციის სააგენტომ საკუთარი უფლებამოსილება განახორციელა.
„არ მინდა, რომ კომპანიები დაიძაბონ, პირიქით - ჩვენ ერთხელ და სამუდამოდ უნდა შევუწყოთ ხელი ჯანსაღი კონკურენციის განვითარებას საქართველოში. ეს არის ეს არის ერთ-ერთი ვალდებულება, რომელიც ვიკისრეთ ევროკავშირთან ასოცირებისა და ღრმა და ყოვლისმომცველი თავისუფალი ვაჭრობის ხელშეკრულებით. მიმაჩნია, რომ ეს არის აბსოლუტურად გამჭვირვალე პროცესი. თუ კომპანიებს ექნებათ რაიმე პრეტენზია, დავა გაგრძელდება სასამართლოში. მთავრობა ამ პროცესში არ ერევა, ეს არის კონკურენციის სააგენტოს დისკრეციული უფლება და აღნიშნული სწორედ მათი გადაწყვეტილება იყო“, - აღნიშნა პრემიერ-მინისტრმა.
