პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძისთვის გაუგებარია პრეტენზიები აბაშიძე-კარასინის ფორმატთან დაკავშირებებით. აბაშიძემ თბილისის საერთაშორისო აეროპორტი, პრაღაში გამგზავრებამდე განაცხადა, რომ აღნიშნული ფორმატი თავისი შესაძლებლობის ფარგლებში აქტიურად მუშაობს.
,,რომელ ნაწილში ვერ გაამართლა ამ ფორმატმა? სატრანსპორტო კომუნიკაციები არ აღდგა? რუსულ ბაზარზე ექსპორტი არ აღდგა? სატრანსპორტო გადაზიდვების პრობლემა ვერ მოგვარდა? თუ ჰუმანიტარულ საკითეხბს ვერ ვაგვარებთ? რატომ აქვთ ასეთი განცდა, რომ ეს ფორმატი ვერაფერს ვერ აგვარებს? _ რაც ამ ფორმატს ევალება, რაც ჩემი მანდატია ჩვენ ვაკეთებთ იმას”, _აცხადებს აბაშიძე.
მისივე განმარტებით, რუსეთის საგარეო უწყების ხელმძღვანელის მოადგილე გრიგოლი კარასინთან შეხვედრისას, მწვავედ დააყენებს საკითხს, ბოლო პერიოდში რუსეთის საოკუპაციო ძალების მიერ განხორციელებულ ქმედებასთან დაკავშირებით.
აბაშიძე-კარასინის შეხვედრა ხვალ პრაღაში გაიმართება.
