თბილისში, საბურთალოზე, ზ.გამსახურდიას # 34 პარტია „თავისუფალი დემოკრატების“ თბილისის ორგანიზაციის რაიონული ოფისი გაიხსნა.
ოფისის გახსნას ‘’თავისუფალი დემოკრატების’’ ლიდერები ზურაბ აბაშიძე, მაია ფანჯიკიძე, გიორგი ცაგარეიშვილი, ვიქტორ დოლიძე და დავით ონოფრიშვილი დაესწრნენ.
,,თავისუფალი დემოკრატების” ინფორმაციით, ოფიციალურ გახსნამდე პარტიის ლიდერები შეხვდნენ ოფისთან შეკრებილ მხარდამჭერებს და ადგილობრივ მოსახლეობას.
შეხვედრის შემდეგ მოხდა ოფისის ოფიციალური გახსნა და ხელმძღვანელი პირების წარდგენა.
თბილისის ორგანიზაციის საბურთალოს რაიონულ ოფისს გივი რევაზიშვილი უხელმძღვანელებს, მოადგილეები გიგა ბერაძე და მიშა ნაბიჯაშვილი იქნებიან. ოფისი მოსახლეობის მისაღებად 24- საათიან რეჟიმში იმუშავებს.
‘’დღეს თბილისში არსებული უამრავი პრობლემებია მოუგვარებელი. არის უამრავი საკითხები, რომლებსაც დღეს ჩვენ წინაშე დგას გადაუჭრელი. ასე, რომ ჩვენი პარტია მზად არის იმისათვის, რომ თითოეული მოქალაქის პრობლემა მოისმინოს, ამის იდენტიფიკაცია მოახდინოს, რომ შემდგომ ჩვენი ხელისუფლებაში მოსვლისთანავე ამ პრობლემის გადაჭრა დავიწყოთ დაუყოვნებლივ’’, – განაცხადა ზურაბ აბაშიძემ.
