,,თავისუფალი დემოკრატები” აბაშიძე-კარასინის მოლაპარაკებათა ფორმატის გადახედვას ითხოვენ. ამის შესახებ, პარტიის ოფისში გამართულ პრესკონფერენციაზე ,,თავისუფალი დემოკრატების” წევრებმა ვიქტორ დოლიძემ და მაია ფანჯიკიძემ ისაუბრეს.
,,საქართველოს ხელისუფლებას მოვუწოდებთ, გადახედოს აბაშიძე-კარასინის მოლაპარაკებათა ფორმატს და იმსჯელოს მისი სამომავლო გაგრძელების მიზანშეწონილობის თაობაზე”, _განაცხადა მაია ფანჯიკიძემ.
პარტიის წევრები მმართველ გუნდს ასევე მოუწოდებენ გადადგას ადეკვატური ნაბიჯები საოკუპაციო ზოლთან მცხოვრები მოსახლეობის დასაცავად.
,,თავისუფალი დემოკრატები” მოვუწოდებთ ხელისუფლებას დაუყოვნებლივ გადადგას შესაბამისი ნაბიჯები ადგილობრივი მოსახლეობის დასაცავად და კიდევ უფრო გართულებული ჰუმანიტარული მდგომარეობის გასაუმჯობესებლად”, _ განაცხადა ფანჯიკიძემ.
