უმრავლესობის დეპუტატი დავით ლორთქიფანიძე სუპერთასის ბილეთების გაყიდვასთან დაკავშირებულ აჟიოტაჟზე საუბრობ, მისი თქმით, UEFA-ს მიერ გადახდილი თანხა, ფეხბურთის ფედერაციამ თავის დაზღვევის მიზნით, არ გადაუხადა BILETEBI.GE-ს, იმიტომ რომ ელოდებოდა რომ რაღაც გაურკვევლობა მოხდებოდა.
"ოცდამეერთე საუკუნეში, განვითარებული ტექნოლოგიების პირობებში, მაშინ როდესაც არანაირ პრობლემას არ წარმოადგენდა, რომ biletebi.ge მომზადებულიყო და ის პრობლემა, რომელიც შეიქმნა, არ შექმნილიყო. მაშინ, როდესაც ფეხბურთის ფედერაცია ამბობდა რომ ამ საქმესთან მათ არანაირი შეხება არ აქვთ, თითქოს uefa-მ პირდაპირ გააფორმა ხელშეკრულება biletebi.ge-სთან და ფედერაცია თითქოს არაფერში კავშირში არ იყო, აღმოჩნდა რომ UEFA-ს დავალებით, ფედერაციამ კონტრაქტი გააფორმა BILETEBI.GE-სთან და BILETEBI.GE-ს გადაუხადეს თანხა, როგორც ეს ბატონმა სიჭინავამ აღნიშნა 24 თუ 25 ივნისს, ლაპარაკია 45 000 ევროზე. როგორც შემდეგ აღმოჩნდა, თანხა არ გადაურიცხიათ იმიტომ, რომ ელოდებოდა რომ რაღაც გაურკვევლობა მოხდებოდა და თავი დაიზღვიეს და თანხა არ ჩაურიცხეს BILETEBI.GE-ს, იქნებ ეს 45 000 ევრო იყო ის თანხა, რომლითაც BILETEBI.GE მოახდენდა თავის სერვერების გაძლიერებას.
მე მოვითხოვე რომ კონტრაქტი გასაჯაროვებულიყო, იქნებ ყველაფერი ისე შესრულდა როგორც უნდა შესრულებულიყო. ოცდამეერთე საუკუნეში პორშედან გადმოვჯექით ურემზე და ეხლა გვიკვირს რატომ არის ხალხი გაღიზიანებული",-განაცხადა ლორთქიფანიძემ
