ჯანდაცვის მინისტრი დავით სერგეენკო მიიჩნევს, რომ ბავშვთა ძალადობის ფაქტებზე, რაიმე დრამატული ცვლილებების ჩატარება არ არის საჭირო. ამის სესახებ მინისტრმა სახალხო დამცველის რეკომენდაციის კომენტირებისას განაცხადა, რომლის თანახმადაც,
უნდა გადაიხედოს სოციალური მუშაკების საქმიანობა, რათა ბავშვთა სახლებში ძალადობისა და არასათანადო მოპყრობის ფაქტები გამოირიცხოს.
„ჯანდაცვის სამინისტროს სოციალური დაცვის დეპარტამენტში არის სპეციალური მონიტორინგის სააგენტო, რომელიც ახორციელებს მონიტორინგს ბავშვთა საქმეზე და ამ მხრივ რაიმე ტრაგიკული ცვლილებების ჩატარება არ არის საჭირო. სახალხო დამცველის რეკომენდაციებს ჩვენ ყოველთვის ყურადღებით ვუსმენთ, თუმცა, ჩვენსასაც თუ მოისმენს, კარგი იქნება“, - განაცხადა დავით სერგეენკომ.
