არაეფექტური და გაჭიანურებული გამოძიება. ასე აფასებს ეროსი კიწმარიშვილის ოჯახის ადვოკატი ერთი წლის წინ დაწყებულ გამოძიებას. ადვოკატ გაგი მოსიაშვილის თქმით, სამართალდამცავებთან ერთწლიანი თანამშრომლობის მიუხედავად საქმის გამოძიება მაინც ჭიანურდება. ადვოკატის განხადებით, გამოიკვეთა საინტერესო დეტალები, რომელზეც საგამოძიებო უწყება არაეფექტურად რეაგირებს.
"მე ვერ ვიტყოდი რომ საგამოძიებო ორგანო ეფექტურად მუშაობს. 4 ძირითადი მიმართულება რაც მივაწოდეთ გამოძიებას, რომ გაემახვილებინათ ამ კუთხით ყურადღება ქმედებებს ჩემი ინფორმაციით ახორციელებენ, თუმცა ამ ქმედებების შედეგად რა ინფორმაცია მიიღო გამოძიებამ ჩვენთვის ცნობილი არ არის,"- ამბობს გაგი მოსიაშვილი.
ამ დრომდე გაურკვეველია ვისია ცეცხლსასროლ იარაღზე აღმოჩენილი მეორე კვალი და ვინ არის ის მეოთხე ადამიანი, რომელიც ფარულმა კამერამ დააფიქსირა.
15 ივლისს ეროსი კიწმარიშვილის გარდაცვალებიდან ერთი წელი სრულდება.
