,,საერთაშორისო გამჭვირვალობა - საქართველოს” ხელმძღვანელი ეკა გიგაური მიიჩნევს, რომ პრემიერ-მინისტრი მოქალაქეებს ფაქტობრივად მოუწოდებს - არ დაიცვან უმცირესობის უფლებები.
გიგაურის შეფასებით, ღარიბაშვილი ერთსქესიანთა ქორწინების საკითხთან მიმართებაში, პოპულისტურ - ამომრჩეველზე გათვლილ განცხადებებს აკეთებს.
,,ეს არის პოპულისტური განცხადება. ამ განცხადებით პრემიერი ფაქტობრივად ჩვენს მოქალაქეებს მოუწოდებს, არ დაიცვან უმცირესობის უფლებები. ეს არის აბსოლუტურად პოპულისტური განცხადება, რომლითაც ცდილობს მიიქციოს ამომრჩევლის ყურადღება”, - განაცხადა გიგაურმა.
შეგახსენებთ, პრემიერ-მინისტრმა განაცხადა, რომ ყველაფერს გააკეთებს, რათა კონსტიტუციაში გაკეთდეს ჩანაწერი, რომ ქორწინება და ოჯახი არის ქალისა და მამაკაცის ერთობა. მისი თქმით, მსოფლიოში ყველა სახელმწიფო ამ საკითხს თავისებურად წყვეტს და საქართველომაც თავისებურად უნდა მოაგვაროს.
