პარლამენტის თავმჯდომარის დავით უსუფაშვილის მტკიცებით, ეროვნული ბანკის შესახებ კანონპროექტში ქართველი და უცხოელი ექსპერტების შენიშვნების უმეტესობა გათვალისწინებულია და საბოლოოდ სპეკულაციების საშუალება არ დარჩება.
,,გუშინ პარლამენტმა კენჭი უყარა მნიშვნელოვნად გაუმჯობესებულ კანონპროექტს, რომელშიც ძალიან ბევრი შენიშვნა, მოსაზრება, რომელიც ჰქონდათ ქართველ თუ უცხოელ ექსპერტებს, ასახულია. პარლამეტმა გამოთქვა მზადყოფნა, რომ პირველ და მეორე მოსმენას შორის კიდევ ერთხელ ყველა დაინტერესებულ პირთან ჩატრდეს კონსულტაციები და ყველა საკითხზე მიღწეულ იქნას კომპრომისი... დარწმუნებული ვარ, ეროვნული ბანკის შესახებ კანონპროექტი მიიღებს ისეთ სახეს, რომელიც იქნება სასარგებლო სისტემისთვის და არ იქნება გარკვეული სპეკულაციების საშუალება. ზოგადად, პოლიტიკური პროცესია ნებისმიერი კანონის განხილვა. აქ პოლიტიკურ ვნებათაღელვას ვერ ავცდებით. მაგრამ ჩვენი ამოცანაა, რაც შეიძლება პროფესიული სტანდარტების დონეზე იყოს მსჯელობა და პოლიტიზირება არ იყოს არც ერთი მხრიდან, არც პროექტის მომხრეების და არც მოწინააღმდეგეების მხრიდან", - განაცხადა დავით უსუფაშვილმა ბათუმში მიმდინარე შავი ზღვის მე-5 საერთაშორისო კონფერენციის დროს, ჟურნალისტებთან საუბრისას.
