დედაქალაქის მერიაში თბილისის მერიის კეთილმოწყობის საქალაქო სამსახურის უფროსის ავთანდილ სუდაძის თანამდებობიდან წასვლას არ ადასტურებენ. ამის შესახებ, ,,ჯი-ეიჩ-ენს” მერიის პრესსამსახურში განუცხადეს.
,არ ვადასტურებთ ავთანდილ სუდაძის თანამდებობიდან წასვლას”, _აცხადებენ მერიაში.
შეგახსენებთ, რომ თბილისის მერიაში საკადრო ცვლილებებია. თანამდებობა უკვე დატოვა მერიის ეკოლოგიური პოლიტიკის სამსახურის უფროსმა ირაკლი ბერეკაშვილმა და იგი მეწარმეობის ხელშეწყობის ცენტრში გადავიდა სამუშაოდ.
გავრცელებული ინფორმაციით, პოსტიდან მიდის თბილისის კეთილმოწყობის საქალაქო სამსახურის უფროსის ავთანდილ სუდაძეც.
