დევნილთა მინისტრის მოადგილე შოთა რეხვიაშვილი უწყებაში კორუფციის არსებობას უარყოფს.
,,ერთიანი ნაციონალური მოძრაობის” მიერ გავრცელებულ ინფორმაციაზე, რეხვიაშვილი აცხადებს, რომ დევნილთა შენობების რეაბილიტაცია არ არის დასრულებული და სამინისტროს ინიციატივით, პასუხისგებაში მიცემულია სამი თანამშრომელი.
"არის პრობლემური ორი სამშენებლო კომპანია: NBG და New Constructions-ი. სამინისტროს ინიციატივით, გადაგზავნილია მასალები საგამოძიებო ორგანოებში და მათი ხელმძღვანელობა არის პასუხისგებაში მიცემული. პასუხისგებაში მიეცა ის ტექნიკური ზედამხედველობის დეპარტამენტის თანამშრომლები, ვინც იმ წლებში მუშაობდნენ და გარკვეულ მონიტორინგს ახდნდნენ მშენებლობებზე", - განაცხადა დევნილთა მინისტრის მოადგილემ შოთა რეხვიაშვილმა.
ენმ-ის მტკიცებით, დევნილთა საცხოვრებლების სარეაბილიტაციოდ გამოყოფილი 10.2 მილიონი ლარი გაიფლანგა. დეპუტატ ირმა ნადირაშვილის თქმით, არამიზნობრივად დახარჯული თანხის 85% სახელმწიფომ ტენდერში გამარჯვებულ კომპანიებს ავანსად ჩაურიცხა.
