საქართველოს პრეზიდენტის მრჩეველმა გიორგი აბაშიშვილი განმარტა, თუ რატომ სჭირდება 7 თვე ეროვნული ბანკის ხელმძღვანელის კანდიდატურის შერჩევას. როგორც მან „2030“-ის ეთერში განაცხადა, აუცილებელია ფართო დისკუსიების გამართვა და „ეს არის საჭირო იმისთვის, რომ არანაირი კითხვები არ გაჩნდეს ფინანსური სტაბილურობასთან დაკავშირებით“.
„ეს არის საჭირო იმისთვის, რომ არანაირი კითხვები არ გაჩნდეს ფინანსური სტაბილურობასთან, საბანკო ზედამხედველობის ასტაბილურობასთან, მონეტარული პოლიტიკის ხარვეზებთან დაკავშირებით და მთლიანობაში იყოს პროგნოზირებადი გარემო. საქართველოს პრეზიდენტი ყოველთვის არჩევს, რომ მას ჰქონდეს ფართო კონსულტაცია.“, - განაცხადა პრეზიდენტის მრჩეველმა.
ამასთანავე გიორგი აბაშიშვილმა დარწმუნებულია, რომ კონსულტაციების შედეგად წარდგენილ კანდიდატურას პარლამენტი მხარს დაუჭერს.
„ეს იქნება ძალიან ფართო კონსენსუსით შერჩეული კანდიდატი, ეკონომიკური სფეროს უამრავი წარმომადგენლების და ექსპერტების ჩართულობით. დარწმუნებული ვარ, რომ პარლამენტი ამ კანდიდატურას მხარს დაუჭერს", - აღნიშნა პრეზიდენტის მრჩეველმა.
