იური ვაზაგაშვილის განზრახ მკვლელობის საქმეზე ბრალდებულის გიორგი სოსანაშვილის ადვოკატის სოსო ჯოგლიძის განცხადებით, მთავარმა პროკურატურამ მისი დაცვის ქვეშ მყოფს ბრალი კი არ დაუმძიმა, არამედ დაუზუსტა.
"ეს არის თითიდან გამოწოვილი დაზუსტებული ბრალი. აქედან გამომდინარე ნამდვილად არ ვეთანხმები, აბსურდია”, - აცხადებს ჯოგლიძე.
ადვოკატის განცხადებით, მისი დაცვის ქვეშ მყოფი თავს უდანაშაულოდ მიიჩნევს, რადგან მას ეს დანაშაული არ ჩაუდენია.
,,ჩემი დაცვის ქვეშ მყოფი სრულიად უდანაშაულოა და არ თვლის თავს დამნაშავედ, რადგან მას აღნიშნული დანაშაული არ ჩაუდენია. აქედან გამომდინარე ველოდებით სასამართლოს დაწყებას და მე მგონი დავადგენთ სიმართლეს”, _აცხადებს ადვოკატი.
შეგახსენებთ, რომ საქართველოს მთავარმა პროკურატურამ იური ვაზაგაშვილის განზრახ მკვლელობის საქმეზე ბრალდებულ გიორგი სოსანაშვილს დღეს ბრალი დაუმძიმა.
