ყოფილი დიპლომატის Eეროსი კიწმარიშვილის საქმის გამოძიების ახალი დეტალები სავარაუდოდ, თვის ბოლოს გახდება ცნობილი. როგორც ,,ჯი-ეიჩ-ენთან” საუბარში გარდაცვლილის ძმამ ზურაბ კიწმარიშვილმა განაცხადა, მისი ინფორმაციით, საქმესთან დაკავშირებით, სხვადასხვა ორგანოები მუშაობენ.
,,უკანასკნელი პერიოდის განმავლობაში იმ ადამიანებთან შეხმიანებისას, როემლთანაც აქამდე შეხება გვქონდა ინფორმაცია მივიღეთ, რომ საქმესთან დაკავშირებთ სხვადასხვა ორგანოები მუშაობენ. კერძოდ, სატელეფონო ანძებიდან ამოღებულ ინფორმაციას შსს სპეციალური სამსახური იძიებს, ასევე, ხდება ამოღებული დნმ-ის ანალიზების შესწავლა. Mმოკლედ ეს არის ყველაზე მნიშვნელოვანი პროცესი, რომლთაც დაკავებულია გამოძიება”, _ განაცხადა ზურაბ კიწმარიშვილმა და აღნიშნა, რომ შესაბამისი დასკვნები, სავარაუდოდ, თვის ბოლისთვის უკვე ცნობილი იქნება.
მისივე განმარტებით, ამ ეტაპამდე ცნობილი არაა იმ მამაკაცის ვინაობა, რომელიც ვიდეომასალების შესწავლის დროს გამოიკვეთა.
,,რაც შეეხება უცხოური გარეგნობის მამაკაცს, რომლზეც გამოძიება მუშაობდა, ჯერჯერობით, იდენტიფიცირებული არ არის და ეს საკითხი ისევ ღიად არის”, _განაცხადა კიწმარიშვილმა.
კითხვაზე - რატომ ვერ მოახერეხა რამდენიმე თვის მანძილზე გამოძიებამ მისი იდენტიფიცირება? ზურაბ კიწმარიშვილი განმარტავს:
,,არ ვიცი წარმოდგენა არ მაქვს. ცოტა უცნაურად მეჩვენება, რომ ამ ხნის განმავლობაში ვერ დაადგინეს მისი ვინაობა. თუმცა თავს შევიკავებ რაიმე ჰიპოთეზა შემოგთავაზოთ”, _განაცხადა კიწმარიშვილმა.
შეგახსენებთ, რომ 15 ივლისს რუსთავის მერობის ყოფილი კანდიდატი ეროსი კიწმარიშვილი მისსავე ავტოფარეხში, გარდაცვლილი იპოვნეს.
კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გამოძიებისგან განსხვავებული ვერსია აქვს კიწმარიშვილის ოჯახს.
