საქართველოს ეროვნული ბანკის პრეზიდენტი აცხადებს, რომ ლარის გაუფასურებასთან დაკავშირებით, ხელისუფლების ბრალდებები სრულიად უსაფუძვლოა. გიორგი ქადაგიძის განცხადებით, როგორც კი იწყება საუბარი რიცხვებზე ბრალდების ყველა არგუმენტი ქრება.
,,ჩვენ ბრალად გვდებდნენ, თითქოს ლარის გაუფასურება გამოწვეულია არა ფუნდამენტური ფაქტორებით, არამედ იმით, რომ ჩვენ ფულის მასა გავზარდეთ, დასახელებული იყო ხან 700 მილიონი, ხან მილიარდი, ხან 307 მილიონი. რა თქმა უდნა, როგორც კი ჩვენ ვჯდებით რიცხვებზე სასაუბროდ, ეს არგუმენტები ქრება იმიტომ, რომ არაფერი საერთიო ამას არ აქვს რეალობასთან. შემგომ იყო ბრალდება, რომ ჩვენ სპეკულაციას ვეწევით კომერციულ ბანკებთან ერთად, ეს არის შეთქმულების თეორიის ნაწილი. რა თქმა უნდა, ესეც აბსურდულ ბრალდებაა, როგორც დანარჩენი. ასე იყო საუბარი თითქოს წინსწრებით გადავიხადეთ მსოფლიო ბანკის ვალი. არცერთი ეს ბრალდება ახლოს არ არის არათუ რეალობასთან, არამედ საღ აზრთან”, - განაცხადა სერ-ის პრეზიდენტმა ,,განსხვავებულ აქცენტებში” საუბრისას.
