თბილისის ზოოპარკის დირექტორი მიიჩნევს, რომ უნდა მოხდეს ზოოპარკის სხვა ადგილზე გადატანა. ზურაბ გურიელიძის განცხადებით, ყველაზე ძვირადღირებული ვოლიერების აღდგენა იგივე ადგილზე არ ღირს.
,,აქ ზოოპარკის აღდგენა, ჩემი აზრით, არასწორია. ლაპარაკი რომ იყოს მცირედ შერემონტებაზე, კიდევ გასაგები იქნებოდა. მაგრამ ასეთ სიტუაციაში, როდესაც ყველაზე ძვირადღირებული რაც გახლავთ - ბეჰემოტის ვოლიერი, მტაცებლის ვოლიერები - თავიდანაა ასაშენებელი, უკვე სჯობია, აშენდეს იქ, სადაც უკეთესი პირობებია.მით უმეტეს, რომ ტერიტორია არსებობს და საძებნელი არ გვაქვს”, - აცხადებს გურიელიძე.
