საქართველოს ეროვნული ბანკის ყოფილი პრეზიდენტის რომან გოცირიძისთვის გაურკვეველია, სტიქიით დაზარალებულებს საბანკო სესხებს ბანკები ჩამოაწერენ, თუ მთავრობა დაფარავს დონორებისგან მიღებული ფულით, - ამის შესახებ გოცირიძე facebook-ის საკუთარ გვერდზე აცხადებს.
,,მთავრობამ სიამაყით გვამცნო, რომ სტიქიით დაზარალებულებს ბანკები სესხებს ჩამოაწერენ. რადგან მთავრობა აცხადებს, უნდა ვიგულისხმოთ, რომ ის დაფარავს უცხოელი დონორებისაგან მიღებული ფულით ბანკების ხარჯებს. თუ ასე არ არის, მთავრობა რატომ მიიწერს საკუთარ თავზე ამ "წარმატებას"? თუ დაავალეს კომერციულ სტრუქტურებს და ისინიც " ნებაყოფილებით" ეწევიან ქველმოქმედებას?
რომ არა 300 მილიონი ლარით გაზრდილი სახელფასო და საპრემიო ფონდი, იქნებ ფული არც კი ყოფილიყო ამ გზით მოსაძიებელი?
ვინც ბანკების განკულაკებით სიამოვნებას განიცდის, იმ უსიამოვნებაზეც დაფიქრდეს, თუ რა მოვლენასთან გვაქვს საქმე და რას გვიქადის იგი სამომავლოდ.
p.s. საბანკო ზედამხედველობა ჯერჯერობით არ გადასულა მთავრობის ხელში. პარლამენტი იხილავს. მერე ნახეთ ქველმოქმედების ნაკადები”, - აღნიშნავს რომან გოცირიძე.
