საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი ვაკე-საბურთალოს დამაკავშირებელი მაგისტრალის თემაზე კომენტირებისას აცხადებს, რომ ამ გზის აღდგენა ყველა შემთხვევაში მოგვიწევს.
”უპირველეს ყოვლისა ვისაც ამ სფეროში ჭკუა მოეკითხება ყველა სპეციალისტთან უნდა შევჯერდეთ იმაზე, მიუხედავად იმისა როგორი იქნება მომავლის პერსპექტივა ვერეს ხეობაში, ღირს თუ არა არსებული გზის აღდგენა. მე ვთვლი პირადად, თუმცა ეს არის ჩემი არაპროფესიონალის დამოკიდებულება, ჩვენ ამ გზის აღდგენა ყველა შემთხვევაში მოგვიწევს”, - განაცხადა ჯავახიშვილმა.
