თბილისში, "ლაგუნა ვერეს" მიმდებარე ტერიტორიაზე თხევადი ქლორის ორი ერთტონიანი ავზი იპოვეს. ადგილზე ამ დროისთვის სპეციალისტები მუშაობენ.
მათი განცხადებით, უნდა მოხდეს სიტუაციის შესწავლა და ავზების გაუვნებელყოფა, რომ თავიდან იქნას აცილებული ქიმიური ნივთიერებების გაჟონვის საფრთხე.
ქიმიკოს გიორგი ქუთათელაძის თქმით, ქლორის გაჟონვა შეიძლება მოხდეს ამ ბალონიდან და ეს სრულიად შესაძლებელია
”იმ პირობებში, რა პირობებშიც ეს ბალონი ახლა არის, ქლორი წარმოადგენს ე.წ. ქიმიურ იარაღს, რომელიც გამოყენებულ იქნა მეოცე საუკუნის დასაწყისში , ამიტომ ეს ბალონი უსაფრთხოების ზომის დაცვას მოითხოვს“,- აცხადებს ქიმიკოსი.
