ფინანსთა მინისტრმა ნოდარ ხადურმა რეაბილიტაციისთვის მოზიდულ თანხებზე „რეაქციის“ ეთერში ისაუბრა. როგორც მან განაცხადა, კერძო სექტორიდან შემოწირულობების სახით მობილიზებულია 7.5 მლნ ლარი.
„ამ ეტაპზე შეგვიძლია თამამად ვთქვათ, რომ 100 მილიონიც არ იქნება საკმარისი ამ ზარალის ასანაზღაურებლად. სახელმწიფო ბიუჯეტიტად გამოყოფილია 10 მილიონ ლარზე მეტი, გარდა ამისა კერძო სტრუქტურებიდან შემოწირულობების სახით მობილიზებულია 7.5 მლნ. ამავე დროს ჩვენ აქტიურად ვმუშაობთ დონორებთან . აზიის განვითარების ბანკი მზად არის 11 მლნ დოლარის პეროლოკაცია გააკეთოს საქართველოში განსახორციელებელი ერთი პროექტიდან. აღნიშნული პროექტი არ შეჩერდება, მაგრამ ჩვენ შეგვიძლია უკვე მუნიციპალური განვითარების ფონდის მეშვეობით თბილისში დავიწყოთ რეაბილიტაცია. ამასობაში, 3 თვის განმავლობაში აზიის განვითარების ბანკი მზად არის დამატებით 57 მლნ დოლარის შეღავათიან ფინანსურ რესურსზე აწარმოოს მოლაპარაკებები, რაც ასევე მოხმარდება დედაქალაქის ინფრასტრუქტურის აღდგენას“, – განაცხადა მინისტრმა.
ამასთანავე ნოდარ ხადურმა აღნიშნა, რომ „ეკონომიკისთვის არის ძალიან რთული ამ სტიქიური უბედურების გადატანა, თუმცა მთავრობა მზად არის მოიზიდოს დამატებითი რესურსები“.
