"მე მინდა გითხრათ სრულიად გულწრფელად და თამამად, ყოველგვარი «მაგრამ» და «თუ»–ს გარეშე, რომ მე ვარ კმაყოფილი იმით, თუ როგორ მოხდა რეაგირება ამ კატასტროფაზე", - განაცხადა პარლამენტის თავმჯდომარემ გადაცემა «პირველი სტუდaა»–ს ეთერში.
«რაც შეეხება კითხვებს პრევენციასთნ დაკავშირებით, ამაზე ჩვენ ყველა ერთად ვმსჯელობთ: პარლამენტი, მთავრობა, მერია, საზოგადოება, ოპოზიცია და ხელისუფლებაში მყოფი პოლიტიკური ძალები. მე ასე არ დავყოფდი ვითარებას, იმიტომ რომ ეს ყველას საქმეა. თუ მიზეზებზე ვსაუბრობთ, ამ მიზეზების სათავეები ათწლეულების წინ დაიწყო, ამიტომ რომელიმე კონკრეტულ ხელისუფლებაზე, მთავრობაზე ჯოხის გადატეხვა და ხელის დადება სწორი არ იქნება. მე ვისურვებდი რომ საკითხი შევისწავლოთ გვარების და სახელების გარეშე, საკითხი შევისწავლოთ მოვლენების დონეზე", - განაცხადა უსუფაშვილმა.
