აშშ-ის პრეზიდენტი ბარაკ ობამა აშშ-ის სენატის მიერ მიღებული თავდაცვის ბიუჯეტის წინააღმდეგია.
გავრცელებული ინფორმაციით, თეთრი სახლის წინააღმდეგობის მიუხედავად, აშშ-ის სენატის მიერ მიღებულ 612 მილიარდიან თავდაცვის ბიუჯეტს, რომელიც უკრაინისთვის სამხედრო დახმარებას ითვალისწინებს, პრეზიდენტი ვეტოს დაადებს.
ბიუჯეტი უკრაინისათვის 300 მილიონი დოლარის ოდენობის დახმარებას მოიცავს. გამოყოფილი თანხის 20 პროცენტი უკრაინის შეიარაღებას უნდა მოხმარდეს, მათ შორის სარადარო და ტანკსაწინააღმდეგო სისტემებით უკრაინის მომარაგება.
დოკუმენტს 71-მა სენატორმა დაუჭირა მხარი, 25 კი წინააღმდეგ წავიდა.
აშშ-ის პრეზიდენტი ბარაკ ობამა თავდაცვის ბიუჯეტის ამდაგვარი განაწილების წინააღმდეგია.
