ოდესის ოლქის პროკურორი რომან გოვდა უარყოფს სააკაშვილის ბრალდებას იმის შესახებ, რომ ოლქის პროკურატურა ბიზნესმენებზე ზეწოლას ახორციელებს.
გოვდას განცხადებით, საინვესტიციო პროგრამის ფარგლებში ოდესის პორტის განსავითარებლად კომპანია ,,ბრუკლინი-კიევი” მარცვლეულის ტერმინალს იმ მონაკვეთში აშენებდა, სადაც ამ ობიექტის ადგილი არ იყო. კომპანიამ ტერმინალის აშენებაზე უარი სწორედ ამიტომ მიიღო.
,,ამას გარდა, კომპანიის მფლობელებმა ორჯერ სცადეს თავიანთ სახელზე ის უძრავი ქონება გადაეფორმებინათ, რომლის მხოლოდ გამოყენების უფლება ჰქონდათ.” - აღნიშნა რომან გოვდამ.
შეგახსენებთ, რომ ოდესის ოლქის ადმინისტრაციის გუბერნატორმა მიხეილ სააკაშვილმა 16 ივნისს მკაცრად გააკრიტიკა ოდესის ოლქის პროკურორები, ბიზნესმენებზე ზეწოლაში დაადანაშაულა ისინი და რეკეტიორები უწოდა.
