ოდესის ოლქის გუბერნატორი მიხეილ სააკაშვილი და საოლქო საბჭოს თავმჯდომარე მიხეილ შმუშკოვიჩი ქალაქ ტატარბუნარს სამუშაო ვიზიტით ეწვივნენ.
ჩინოვნიკებმა დანიშნულების ადგილამდე, რიგით მგზავრებთან ერთად, სამარშრუტო ტაქსით იმგზავრეს. ამის შესახებ ინფორმაციას სოციალურ ქსელებში თვითმხილველები ავრცელებენ და ფაქტის ამსახველ ფოტოებსაც აქვეყნებენ.
საოლქო საბჭოს დეპუტატის იგორ ბელინსკის თქმით, ტატარბუნარელებისთვის მიხეილ სააკაშვილთან შეხვედრა მოულოდნელი აღმოჩნდა.
,,როგორ გაუმართლა ჩემს მშობლიურ რაიონს. დღეს მას ერთდროულად, ოლქის გუბერნატორიც და საოლქო საბჭოს თავმჯდომარეც პირველად ეწვივნენ. ორი მიხეილი!
დარწმუნებით შემიძლია განვაცხადო, რომ ჩვენი, ტატარბუნარელების სიტყვა შესმენილია!” - წერს სოციალურ ქსელში ბელინსკი.
