აშშ პრეზიდენტობის რესპუბლიკელი კანდიდატი დონალდ ტრამპი ირწმუნება, რომ პრეზიდენტად არჩევის შემთხვევაში რუს კოლეგასთან რთული, მაგრამ კარგი ურთიერთობა ექნება. ამის შესახებ მან Fox News-ის ეთერში სტუმრობისას განაცხადა. „მოსკოვში 2 წლის წინ გახლდით და ერთადერთი, რა დასკვნაც გამოვიტანე, არის ის, რომ ამ ხალხთან საუბარი შესაძლებელია. ობამას ეს არ შეუძლია. მას რუსეთის პრეზიდენტი პატივს არ სცემს, თავად კი საკუთარ მოსახლეობაში დიდი პოპულარობით სარგებლობს,“-აღნიშნა ტრამპმა.
