,,თავისუფალი დემოკრატების” წევრი ნინო გოგუაძე აცხადებს, რომ პროკურატურის გადაწვეტილება მხოლოდ საკუთარი სახის შენარჩუნების მიზნითაა განპირობებული. როგორც საკითხის კომენტირებისას გოგუაძე ,,ჯი-ეიჩ-ენთან” საუბარში აცხადებს, საგამოძიებო ორგანომ იცოდა, რომ მოსამართლე დაკავებულებს გაათავისუფლებდა, რის გამოც დააყენა შუამდგომლობა აღმკვეთის ღონისძიების შეცვლის შესახებ.
,,პროკურატურას არ დარჩა არც ერთი ნაბიჯი რომელსაც გადადგამს და სახეს შეინარჩუნებს. მათ ძალიან კარგად იცოდა, რომ დიდი ალბათობით ხვალინდელ სხდომაზე მოსამართლე დაკავებულებს გაათავისუფლდება. ამიტომ მთავარმა პროკურატურამ სახის შენარჩუნების მიზნით გადადგა ეს ნაბიჯი. მთავარია, როგორც იტყვიან მეფე შიშველია, პროკურატურა დამარცხებულია და თავდაცვის სამინისტროს დაკავებული თანამშრომლები გათავისუფლდებიან”, _განაცხადა ,,ჯი-ეიჩ-ენთან' საუბარში გოგუაძემ.
მისივე განმარტებით, დანაშაულია, რომ თვეების განმავლობაში უდანაშაულო ადამიანები პატიმრობაში იმყოფებიან.
,,დანაშაული იყო ის რომ თავდაცვის სამინიტროს დაკავებული თანამშრომლები რომლებიც პროკურატურასთან თანამშრომლობდნენ ამდენი ხნის განმავლობაში ციხეში იყვნენ. ეს თავიდან ბოლომდე პოლიტიკური პროცესი იყო”, _განაცხადა გოგუაძემ.
შეგახსენებთ, რომ საქართველოს მთავარმა პროკურატურამ შუამდგომლობით მიმართა თბილისის საქალაქო სასამართლოს, რომლითაც მოითხოვა განსაკუთრებით დიდი ოდენობით საბიუჯეტო თანხების გაფლანგვის საქმეზე დაკავებული საქართველოს თავდაცვის სამინისტროს ყოფილი თანამდებობის პირების: ნუგზარ კაიშაურის, გიზო ღლონტის, დავით წიფურიას, გიორგი ლობჟანიძის, არჩილ ალავიძის მიმართ გამოყენებული პატიმრობის გაუქმება და აღკვეთის ღონისძიების სახით არასაპატიმრო აღკვეთის ღონისძიების გირაოს შეფარდება.
საქმეზე მორიგი წინასასამართლო სხდომა თბილისის საქალაქო სასამართლოში დანიშნულია 2015 წლის 19 ივნისს 11:00 საათზე, სადაც მოხდება ბრალდების მხარის მიერ წარდგენილი პატიმრობის გაუქმების შუამდგომლობის განხილვა.
