სტიქიის შედეგად დაზიანებულ ადგილებზე გაწმენდითი სამუშაოების გაგრძელება იქნება შესაძლებელი ხვალ დილიდან, - განცხადება სახელმწიფო უსაფრთხოებისა და კრიზისების მართვის საბჭოს ხელმძღვანელმა, მინდია ჯანელიძემ ტელეკომპანია "იმედის" პირდაპირ ეთერში გააკეთა.
"ამ შემთხვევაში ჩვენ ვალდებულიც ვართ დავემორჩილოთ ოფიციალურ მონაცემებს, ამინდის პროგნოზს. დღეს, ღამის განმავლობაში მოსალოდნელია ნალექი, თუმცა არა იმ დონის და ზომის, რომ ამან გამოიწვიოს მსგავსი ან მიახლოებული მოვლენები, რაც სამწუხაროდ თბილისში მოხდა 13 ივნისს. ჩვენ უზრუნველვყავით ისინი გამოგვეყვანა საცხოვრებელი ადგილებიდან. მოქლაქეები, რომლებიც რჩებიან საკუთარ საცხოვრებელ ადგილზე და შედარებით დაბალი რისკის ზონაში, აქ მუდმივად მიმდინარეობს მონიტორინგი სამაშველო სამსახურების, მერიის შესაბამისი სამსახურების მხრიდან. ასე რომ, ჩვენ გვაქვს დრო იმისთვის, რომ ინტენსიური ღონისძიებების გატარება მოვასწროთ. თუმცა აქვე მინდა მოსახლეობა დავამშვიდო - არაფერი საგანგაშო მოსალოდნელი არ არის. მსგავსი მოვლენების განმეორებას ჩვენ არ ვვარაუდობთ, თუმცა, ვალდებული ვართ მცირე რისკის შემთხვევაშიც კი შესაბამისი ზომები მივიღოთ", - განაცხადა მინდია ჯანელიძემ.
