გარემოს დაცვის ყოფილი მინისტრი ნინო ჩხობაძე ვერეს ხეობაში მომხდარ ტრაგედიას გზის ახალი ესტაკადის არასაწორ მშენებლობას უკავშირებს. როგორც ჩხობაძე ,,ჯი-ეიჩ-ენთან” საუბარში აცხადებს, თუ ესტკადის მთლიანი რეკონსტრუქცია არ მოხდება, ტრაგედიის განმეორების შესაძლებლობა კვლავ არსებობს.
,,უხვი ნალექი თავისთავად არის ერთ-ერთი ყველაზე დიდი პრობლემა, რადგან ნალექი სწრაფად მოვიდა, მაგრამ ქალაქი ამაზე გათვლილი უნდა იყოს. ის რაც ვერეს ხეობაში დატრიალდა, ეს არის იმის ბრალი, რომ ყველაფერი სწორად გათვლილი არ ყოფილა. ესტაკადის მშენებლობა ასე სწრაფი ტემპებით არ უნდა მომხდარიყო, გაკეთებული უნდა ყოფილიყო გარემოს ზემოქმედების შეფასება. მდინარის ,,პერანგში” ჩასმა არ შეიძლება და რაც მოხდა სწორედ ამან გამოიწვია, კალაპოტში ჩასმულმა მდინარემ უხვი ნალექი ვერ გაატარა”, _აცხადებს ,,ჯი-ეიჩ-ენთან” საუბარში ჩხობაძე.
კითხვაზე ვის ეკისრება მომხდარზე პასუხისმგებლობა ჩხობაძე აცხადებს:
,,ვინც მიიღო მაშინ ესტაკადის მშენებლობაზე გადაწვეტილება”, _აცხადებს ჩხობაძე.
მისივე თქმით, მსგავსი ტრაგედიის განმეორების შესაძლებლობა იქამდე იარსებებს, სანამ ესტაკადის რეკონსტრუქცია მთლიანად არ მოხდება.
,,რა თქმა უნდა, ტრაგედიის განმეორების შესაძლებლობა არსებობს, თუ ესტაკადის სრული რეკონსტრუქცია არ მოხდა”, -აცხადებს ,,ჯი-ეიჩ-ენთან” საუბარში ჩხობაძე.
