ქუთაისის სააპელაციო სასამართლო ლევან კორტავას საქმეზე საბოლოო განაჩენს დღეს გამოიტანს. 24 წლის პატიმრის დაღუპვის გამო მსჯავრდებულია რამდენიმე პირი, მათ შორის, გეგუთის ციხის უსაფრთხოების განყოფილების ინსპექტორები. ერთ-ერთი ბრალდებულის, თეიმურაზ გურეშიძის ადვოკატი მერაბ ჩიქოვანი აცხადებს, რომ დაცვის მხარე სასამართლოსგან გამამართლებელ განაჩენს ელოდება. პირველი ინსტანციის სასამართლოს გადაწყვეტილება - მსჯავრდებულებისთვის სხვადასხვა ვადით თავისუფლების აღკვეთის შესახებ, სააპელაციო სასამართლოში დაცვისა და ბრალდების მხარეებმა გაასაჩივრეს.
