დონეცკისა და ლუგანსკის თვითაღიარებული სეპარატისტული რესპუბლიკები მიიჩნევენ, რომ ყირიმი და სევასტოპოლი უკრაინის შემადგენელი ნაწილებია.
შესაბამისი შინაარის ფორმულირებას შეიცავს უკრაინის კონსტიტუციის ცვლილებების პროექტში შეტანილი წინადადება, რომელიც სეპარატისტული რეგიონების ხელმძღვანელობამ, დონბასში კონფლიქტის დარეგულირების საკითხებზე მომუშავე ეუთოს საკონტაქტო ჯგუფს განსახილველად გადაუგზავნა.
ამის შესახებ ინფორმაციას ლუგანსკის საინფორმაციო ცენტრი ავრცელებს.
,,უკრაინის შემადგენლობაში შედიან: ყირიმის ავტონომიური რესპუბლიკა, ასევე ქალაქები: კიევი და სევასტოპოლი...” - ხაზგასმით არის აღნიშნული ცვლილებათა პროექტის 133-ე თავში, რომელშიც დონეცკისა და ლუგანსკის სამართლებრივი სტატუსის განსაზღვრაზეა საუბარი.
