გიორგი ოქროპირიძისათვის აღკვეთის ღონისძიების შეფარდებას მისი ადვოკატები გაასაჩივრებენ. პროცესის დასრულების შემდეგ, ოქროპირიძის ადვოკატმა დავით მოდებაძემ ჟურნალისტებთან განაცხადა, რომ მისთვის მოსამართლის ეს გადაწყვეტილება მოულოდნელი არ ყოფილა.
,,ის, რაც წინა დღეებში მოხდა, გასაგები იყო. პროკურატურა ყველაფერს გააკეთებდა, რათა თითიდან გამოწოვილი ბრალდება გაეტანა და 12-ში გიორგი ოქროპირიძე გარეთ არ გამოსულიყო. შესაბამისად, მას ორთვიანი პატიმრობა მიესაჯა", - განაცხადა ადვოკატმა.
საქმის პროკურორის დავით ჩხენკელის განცხადებით, გიორგი ოქროპირიძის წინააღმდეგ წარდგენილ ბრალს - ლაშა მახარაძის მკვლელობის საქმესა და მის ახალ ბრალს - პირადი მოტივით ცრუ დასმენას, შორის არანაირი კავშირი არ აქვს.
გიორგი ოქროპირიძის საქმეზე წინასასამართლო სხდომა 28 ივლისს, 12:00 საათზე ჩაინიშნა.
