დააკმაყოფილებს თუ არა საქალაქო სასამართლო პროკურატურის შუამდგომლობას გიორგი ოქროპირიძის პატიმრობაში დატოვებასთან დაკავშირებით, დღეს გახდება ცნობილი. დაცვის მხარის განცხადებით, პროკურატურას ბრალის წარდგენის უფლება არ ჰქონდა, რადგანაც საგამოძიებო ორგანომ საქმე 7 ივნისს დახურა. ცრუ დასმენის ფაქტზე ოქროპირიძეს ბრალი გუშინ დაუმძიმდა. გამოძიების მტკიცებით, ოქროპირიძემ სახალხო დამცველის რწმუნებულს სასჯელაღსრულების დეპარტამენტის თანამშრომლების მხრიდან სიტყვიერი და ფიზიკური შეურაცხყოფის შესახებ აცნობა, თუმცა დადგინდა, რომ ზეწოლას ადგილი არ ჰქონია. ოქროპირიძე ბრალს არ აღიარებს და რუსთავის 6-ე დაწესებულებაში შიმშილობს. პროცესი საქალაქო სასამართლოში დღეს 12:00 საათზეა ჩანიშნული. ლაშა მახარაძის მკვლელობის საქმეზე 9 თვიანი პატიმრობის ვადა ოქროპირიძეს 4 დღეში ეწურება. აღნიშნულ საქმეზე განხილვები ხელახლა დაიწყება.
