ალექსანდრე სუმბაძე პედოფილიაში ცრუ ბრალდებების გამო სასამართლოში უჩივის ამერიკულ გამოცემებს. როგორც ყოფილი დიპლომატის შვილმა „იმედის კვირის“ ეთერში გასულ სიუჟეტში განაცხადა, მას ნამდვილად ჰქონდა გადაღებული სექსუალური ხასიათის სცენები, მაგრამ სქესობრივი კონტაქტი მას სრულწლოვან ადამიანთან ურთიერთთანხმობის საფუძველზე ჰქონდა.
„ეს ადამიანი ჩემი სტუდენტი არ იყო, არც არასრულწლოვანი არ იყო, არც დაძალებით არ იყო [სექსუალური ურთიერთობა], იყო შეთანხმებით სრუწლოვან ადამიანთან იმ პერიოდში, როცა იქ [სპორტულ დარბაზში] არ იყვნენ მოსაწავლეები“, - აცხადებს სუმბაძე.
ერთი თვის წინ ამერიკული პრესა წერდა, რომ საქართველოს მოქალაქე ალექსანდრე სუმბაძე ამერიკული პოლიციის მიერ იყო დადანაშაულებული პედოფილიაში და მისი ბინის ჩხრეკისას იყო ამოღებული 8 დისკი სექსუალური სცენების ამსახველი კადრებით. ვიდეომასალა გადაღებულია სპორტულ დარბაზში, სადაც სუმბაძე ამერიკელ სტუდენტებს კარატეს ასწავლიდა.
