მოკლული ლაშა მახარაძის ბიძა ზაალ ჟვანია სასამართლო სხდომის საიდუმლო დეტალებს ჰყვება. როგორც მან „იმედის კვირაში“ განაცხადა, ერთერთი ნაფიცი მსაჯულის თქმით, ბრალდებული ოქროპირიძის საქმეზე თათბირის დროს, ნაფიც მსაჯულებს შორის ჩხუბი ატყდა.
„ერთერთი ნაფიცი მსაჯული მოვიდა ქ-ნ ნინოსთან [ლაშა მახარაძის დედა] სახლში და უთხრა: ქ-ნო ნინო, თქვენ არ იფიქროთ, რომ ხმები ექვსი ექვსზე გაიყოო. ვეღარ გაუძლო სინდისმა და მოგვიყვა ყველაფერი რაც იქ [თათბირის დროს] მოხდა: ნაფიც მსაჯულებს შორის ხელჩართული ჩხუბი იყოო - ვინ, ვის, და როგორ გადაიბირებდა“, - თქვა ლაშა მახარაძის ბიძამ.
