6 ივნისს უკრაინის დედაქალაქ კიევში ლგბტ საზოგადოების მიერ მოწყობილი ,,თანასწორობის მარში” რადიკალურად განწყობილმა ჯგუფებმა დაარბიეს.
ფაქტის გარშემო დაახლოებით 25 პირია დაკავებული.
უკრაინული და რუსული მედიის ცნობით, ლგბტ პირებმა და მათმა მხარდამჭერებმა კიევის ცენტრში თავისუფლად 500 მეტრის გავლაღა მოასწრეს, შემდეგ კი მათ ნიღბიანი უცნობი პირები მიუახლოვდნენ და კვამლის ბალონები ესროლეს.
შეტაკების შედეგად ლგბტ საზოგადოების ათამდე აქტივისტი და 9 სამართალდამცავი დაშავდა.
ერთ-ერთმა მილიციელმა კისრის არეში მძიმე დაზიანება მიიღო, რის შემდეგაც ჰოსპიტალში გადაიყვანეს.
სავარაუდოდ, ,,თანასწორობის მარშზე” ძალადობრივი შეტევა ე. წ. ,,მერამრჯვენე სექტორის” წევრებმა განახორციელეს, რომლებმაც 2 დღით ადრე, კიევის მერს ვიტალი კლიჩკოს მოუწოდეს ლგბტ პირთათვის ამ ღონისძიების ჩატარების უფლება არ მიეცა.
მათი წარმომადგენლები აცხადებდნენ, რომ უკრაინის დედაქალაქის მცხოვრებთა უმეტესობა მორწმუნე ადამიანები არიან და ამ მარშის მიმართ ნეგატიური განწყობა აქვთ.
კლიჩკომ გუშინ კიევში მომხდარი ფაქტი დაგმო და სამართალდამცავებს იმ პროვოკატორების დაუყოვნებლივ დასჯა მოსთხოვა, ვინც ,,თანასწორობის მარშზე” თავდასხმა მოაწყო.
