თურქეთში, დღეს საპარლამენტო არჩევნები მიმდინარეობს. თურქული მედიისცნობით, არჩევნებში დაახლოებით 20-მდე პარტია მონაწილეობს და მთავარი ინტრიგა იმაში მდგომარეობს, შეძლებს თუ არა მმართველი, "სამართლიანობისა და განვითარების პარტია" იმ რაოდენობის მანდატის მოპოვებას, რომ მთავრობა ჩამოაყალიბოს.
თურქეთის 56-მილიონიანი მოსახლეობა პარლამენტში 550 დეპუტატს ირჩევს. პარტიებს დღეს 10%-იანი ბარიერის გადალახვა მოუწევთ.
