ლეონიდ თიბილოვი 2017 წლისთვის ოკუპირებული სამხრეთ ოსეთის პრეზიდენტის პოსტზე ხელახალ კენჭისყრას არ გამორიცხავს.
ამის შესახებ მან ე. წ. ინფორმაციისა და პრესის სახელმწიფო კომიტეტის თავმჯდომარესთან ვიაჩესლავ გობოზოვთან საუბარში თავად აღნიშნა.
ოკუპირებული სამხრეთ ოსეთის ე. წ. პრეზიდენტის თქმით, ასეთი გადაწყვეტილების მიღების შესაძლებლობა ამ პოსტზე მის ამჟამინდელ საქმიანობაზეა დამოკიდებული.
,,ჩვენ უნდა ვიმუშაოთ, ჩვენ უნდა ვაჩვენოთ შედეგი და თუ ეს შედეგი ხალხმა დადებითად შეაფასა, მე არ გამოვრიცხავ, რომ მომავალ საპრეზიდენტო არჩევნებში ისევ მივიღო მონაწილეობა.
ყველაფერი იმაზეა დამოკიდებული, თუ რის გაკეთებას შევძლებთ ჩვენ ხალხისთვის. თუ თიბილოვმა შეძლო და გააკეთა ბევრი რამ, დანარჩენს შემდგომში დავსხდებით და მოვილაპარაკებთ.” - განაცხადა თიბილოვმა.
