ამერიკის შეერთებული შტატების კონგრესი მუშაობს კანონპროექტზე, რომელიც საშინაო და უცხოური ოპერციების განსახორციელებლად სახელმწიფო დეპარტამენტის დაფინასებას ეხება. მათ შორის, განიხილება უკრაინისთვის დაახლოებით ნახევარ მილიარდიანი დახმარების გაწევის საკითხიც.
ამის შესახებ ,,ამერიკის ხმაზე” დაყრდნობით უკრაინული სააგენტო ,,უკრინფორმი” იუწყება.
,,მე ვამაყობ იმით, რომ ეს ძალიან მნიშვნელოვანი დაფინანსება, თუკი ის გამოიყოფა, ძალიან გამოადგებათ უკრაინელებს და რუსეთის აგრესიითვის პასუხის გასაცემად გამოიყენებენ. ეს თანხა უკრაინის უსაფრთხოებასა და ეკონომიკური განვითარებას შეუწყობს ხელს.” - აცხადებს კონგრესის წარმომადგენელი და ასიგნაციების საკითხების კომიტეტის თავმჯდომარე გალი როჯერსი.
ხსენებული კანონპროექტის მიხედვით, აშშ-ს სახელმწიფო დეპარტამენტის 2016 წლის ბიუჯეტიდან, რომლის საერთო რაოდენობა 47, 8 მილიარდი დოლარია, უკრაინისთვის 524 მილიონი დოლარი იქნება გათვალისწინებული.
ჯერ-ჯერობით არაფერია ნათქვამი, სამხედრო დახმარებისთვის გამოიყოფა ეს თანხა თუ ლეტალური იარაღისთვის.
ამასთან, კანონპროექტი დახმარებას ნებისმიერი იმ ქვეყნისთვის ზღუდავს, რომელმაც პირდაპირ თუ ირიბად რუსეთის მიერ ყირიმის ანექსიას დაუჭირა მხარი.
