უკრაინის პრეზიდენტმა პეტრო პოროშენკომ განაცხადა, რომ სურს უკრაინის რეფორმირებული პოლიციის ხელმძღვანელად ისეთი სპეციალისტი იხილოს, როგორიც უკრაინის შინაგან საქმეთა მინისტრის მოადგილე ეკა ზღულაძეა.
ამის შესახებ ინფორმაციას საინფორმაციო სააგენტო ,,ინტერფაქსი” ავრცელებს.
,,უკვე დაწყებულია ისეთი კანონების მიღება, რომელიც შსს-ს რეფორმირებას უზრუნველყოფს. ამ კანონების მიხედვით სამინისტროს ძალოვანი ფუნქცია პოლიტიკურისგან გაიმიჯნება, შეიქმნება მუნიციპალური დაცვა და ახალი პოლიცია, რომლის მომავალ ხელმძღვანელად მე ვხედავ ისეთ ადამიანს, როგორიც ეკა ზღულაძეა.” - განაცხადა პოროშენკომ დღეს, რადას წინაშე თავის ყოველწლიურ მოხსენებაში.
შეგახსენებთ, რომ საქართველოს შინაგან საქმეთა მინისტრის ყოფილი მოადგილე ეკა ზღულაძე 2014 წლის 13 დეკემბერს უკრაინის შინაგან საქმეთა მინისტრის მოადგილის პოსტზე დაინიშნა და დღემდე ამ თანამდებობაზე მუშაობს.
