განათლებისა და მეცნიერების მინისტრი თამარ სანიკიძე 139-ე სკოლის მოსაწავლეების ცუდად გახდომას გამოცდების გამო გამოწვეულ ნერვიულ ფონს უკავშირებს. მთავრობის სხდომის დაწყების წინ მან განაცხადა, რომ სამინისტრომ მომხდარის გამო ყველაფერი გააკეთა და ამ ეტაპზე სანერვიულო არაფერია.
„აბსოლუტურად არაფერი არ სჭირთ ბავშვებს, ეს ალბათ უფრო უკავშირდება იმ შემაჯამებელი გამოცდის ჩაბარებას, რომლის დროსაც ბავშვებმა ან ინერვიულეს, ან ემოციურად იყვნენ განწყობილები და იყო ისეთი სიმპტომები, როგორიცაა ჰაერის უკმარისობა და უმნიშვნელოდ მუცლის ტკივილი, მაინც, ყოველი შემთხვევისთვის, გუშინ ყველა ფეხზე დავაყენეთ, შევამოწმეთ ბავშვები, წავიყვანეთ, მოვუარეთ, არაფერი საბედნიეროდ ბავშვებს არ სჭირთ,ასე რომ, სანერვიულო ამ მხრივ არაფერია“, - განაცხადა თამარ სანიკიძემ გუშინ,თბილისის 139-ე საჯარო სკოლიდან, ინტოქსიკაციის სიმპტომებით იაშვილის კლინიკაში 10-მდე ბავშვი გადაიყვანის ფაქტის კომენტირებისას.
მე-5 კლასის მოსწავლეებს გულის რევა, თავბრუსხვევა და ჰაერის უკმარისობა აღენიშნებოდათ.
ამ ეტაპზე უცნობია, რამ გამოიწვია ბავშვების მოწამვლა.
