ჩეხეთის ბარებსა და რესტორნებში თამბაქოს მოხმარება აიკრძალება. შესაბამის კანონპროექტს მინისტრთა კაბინეტმა მხარი უკვე დაუჭირა. ჩეხეთის ჯანდაცვის მინისტრის, სვატოპლუკ ნემეჩეკის თქმით, იმ შემთხვევაში, თუ ახალი რეგულაციები ამოქმედდება, ჩეხეთი იმ განვითარებულ ევროპულ სახელმწიფოთა რიგებში შევა, რომლებიც საკუთარი მოსახლეობის ჯანმრთელობაზე ზრუნავენ. კანონპროექტი კვირის ბოლომდე განსახილველად პარლამენტს გადაეგზავნება.
