საქართველომ უნდა შეასრულოს ევროპული საშინაო დავალება - განაცხადა ესტონეთის მე-4 პრეზიდენტმა ატლანტიკური საბჭოს წევრებთან შეხვედრის დროს. მისი თქმით, სწორედ ეს გზა გაიარა ესტონეთმა, ჯერ იყო ევროკავშირის წევრობა, შემდეგ კი უფრო გაიოლდა ქვეყნის ნატოში ინტეგრაცია.
ტომას ჰენდრიკ ილვესი ამხნევებს საქართველოს და აცხადებს, რომ რიგის სამიტის შემდეგ არ უნდა არსებობდეს იმედგაცრუება.
"როდესაც ესტონეთმა ასოცირების ხელშეკრულება გააფორმა ევროკავშირთან, მაშინ არავინ ლაპარაკობდა პერსპექტივაზე. ვფიქრობ ნაკლები ყურადღება უნდა მიაქციოთ დეკლარაციაში რა ჩაიწერება. შეიძლება უკმაყოფილო დარჩით, მაგრამ მუშაობა უნდა განაგრძოთ. აღმოსავლეთ პარტნიორობა არ არის გაფართოვების ინსტრუმენტი, მაგრამ არ გამორიცხავს წევრობას.
ესტონეთის პრეზიდენტმა ვიზების ლიბერალიზაციაზეც ისაუბრა და განმარტა, რომ ეს ტექნიკური საკითხია, რაზეც ქვეყანამ უნდა იმუშაოს.
"მნიშვნელობა არ აქვს რა ტექსტებით ილაპარაკებენ, მთავარია თქვენ გასაკეთებელი გააკეთოთ," - განაცხადა ტომას ჰენდრიკ ილვესმა.
