მილიონები, რომელიც გამჭვირვალე იუსტიციის სახლების აშენებისას დაიხარჯა, ჩემმა წინამორბედებმა ეს მილიონები ბიზნესმენებს ტერორისა და დაპატიმრებების დახმარებით წაართვეს, - ამის შესახებ იუსტიციის მინისტრმა თეა წულუკიანმა უკრაინულ სააგენტო „უკრინფორმთან“ მიცემულ ინტერვიუში განაცხადა. მისი თქმით, სააკაშვილის დროს ბიზნესმენები არ ქურდობდნენ და კორუფცია არ არსებობდა. „სააკშვილის დროს ბიზნესმენები არ ქურდობდნენ, ჩვენთან არ იყო კორუფცია და არც ახლა არის. ჩვენ ახლა უკეთესი სიტუაციაც გვაქვს კორუფციასთან ბრძოლის წინააღმდეგ, ვიდრე მაშინ იყო. ჩვენ არ გვყავს ბევრი ოლიგარქი, ისინი საერთოდ არ არიან, არიან ბიზნესმენები, რომლებსაც საქმეები კარგად მისდით, ისინი არ ქურდობდნენ. იხდიდნენ გადასახადებს და მუშაობდნენ. მაგრამ მათ ატერორებდნენ“, - აღნიშნა მინისტრმა.
