პარლამენტის ადამიანის უფლებათა დაცვის კომიტეტის თავმჯდომარე ეკა ბესელია მარიხუანას დეკრიმინალიზაციასთან დაკავშირებით, კატეგორიული არ არის. მისი თქმით, კანონმდებლობის კუთხით, გარკვეული მიდგომების შეცვლა აუცილებელია.
,,მაქვს ასეთი დამოკიდებულება, რომ მკცარი მიდგომა არ შეიძლება, რადგან როგორც ექსპერტები ამბობენ, ზოგადად ნარკოტიკის მომხმარებლები არიან გარკვეული დაავადების მატარებლები. ესაც გარკვეული ავადმყოფობის და ცუდი ჩვევების მატარებელია. ეს არ არის კარგი ჯანმრთელობისთვის. მკაცრი მიდგომა და პატიმრობის შეფარდება მგონია, რომ რელევანტური არ არის. მე არც იმის მომხრე არ ვარ, რომ ლეგალიზება მოხდეს და ახალგაზრდებში პროვოცირება გავუკეთოთ და ვუბიძგოთ, რადგან საქართველოში არის ამის პრობლემა,“ - განაცხადა ჟურნალისტებტან საუბრისას ეკა ბესელიამ.
მისი თქმით, აუცილებელია გადაიხედოს არსებული პრაქტიკა და კარგად გაიაზრონ, რომ კანონმდებლობის კუთხით გარკვეული პრობლემების შეცვლაა საჭირო.
პარლამენტის წევრმა გოგა ხაჩიძემ პარლამენტს მარიხუანას დეკრიმინალიზაციასტან დაკავშირებით, კანონპროექტი წარუდგინა. როგორც ხაჩიძე აცხადებს, ინიციატივა ითვალისწინებს, რომ მარიხუანას, კანაფისა და კანაფის ფისის მცირე ოდენობით, განმეორებით მოხმარება სისხლისსამართლებრივ პასუხისმგებლობას აღარ იწვევდეს.
დღეს მარიხუანას დეკრიმინალიზაციის მოთხოვნით, საქართველოს 5 ქალაქში აქცია გაიმართება.
