ეუთოს მოქმედი თავმჯდომარე, სერბეთის პირველი ვიცე- პრემიერის და საგარეო საქმეთა მინისტრი ივიცა დაჩიჩი აცხადებს, რომ კონფლიქტებთან დაკავშირებით დიალოგს ალტერნატივა არ გააჩნია.
როგორც სტუმარმა ქართველ კოლეგასთან თამარ ბერუჩაშვილთან შეხვედრის შემდეგ გამართულ ერთობლივ პრესკონფერენციაზე განაცხადა, ის, როგორც ეუთო-ს თავმჯდომარე, გამოიყენებს ყველა შესაძლებლობას შეისწავლონ კონფლიქტების შედეგები, რომელიც 2008 წლიდან მომდინარეობს საქართველოში.
მისივე თქმით, ის მრავალი წელი მუშაობდა კონფლიქტების საკითხებზე პრიშტინასთან დაკავშირებით და დარწმუნდა, რომ დიალოგს ალტერნატივა არ გააჩნია.
,,არ უნდა შევწყვიტოთ დიალოგი პროცესის არც ერთ მონაწილე მხარესთან. ასეთია ჟენევის ფორმატი და მიუხედავად იმისა, რომ არის გარკვეული წინააღმდეგობები, მაინც არის მნიშვნელოვანი პლატფორმა, სადაც დიალოგია შესაძლებელი. ჩვენ გვჭირდება საკმაოდ მაღალი დიპლომატიური სიბრძნე, რომ ყველა მხარის ინტერესი შევაჯეროთ ერთმანეთთან", - განაცხადა ეუთოს თაქვმჯდომარემ.
სტუმარი, ვიზიტის ფარგლებში, შეხვდება საქართველოს პრეზიდენტს, პრემიერს, პარლამენტის თავმჯდომარეს და წეროვანის დევნილთა დასახელებას მოინახულებს.
