საქართველოს თავდაცვის მინისტრმა თინა ხიდაშელმა დაადასტურა, რომ NATO-ს გენერალური მდივანი იენს სტოლტენბერგი საქართველოში წლის ბოლომდე ვიზიტით ჩამოვა. ამის შესახებ მინისტრმა გადაცემა „2030“-ის ეთერში განაცხადა.
„ვიზიტი დაგეგმილია. მან [იენს სტოლტენბერგმა] თანხმობა განაცხადა და დაგვიდასტურა, რომ წლის ბოლომდე ეს ვიზიტი შედგება. ეს ძალიან მნიშვნელოვანია ჩვენი ორმხრივი ურთიერთობებისთვის“,- აღნიშნა თინა ხიდაშელმა, რომელიც ბრიუსელში, NATO-ს შტაბ-ბინაში ოფიციალურ შეხვედრებს მართავს.
