საგარეო საქმეთა მინისტრის თამარ ბერუჩაშვილის განცხადებით, სააკაშვილის გადაწყვეტილება მის ყველა ოფიციალურ დოკუმენტზე აისახება.
მინისტრი არ აკონკრეტებს, შეეძლება თუ არა საქართველოს ექსპრეზიდენტს ოდესის მხარის გუბერნატორის რანგში, საქართველოში დიპლომატიური პასპორტით ჩამოსვლა.
"როგორც დღეს ვიცით, ბატონმა მიხეილ სააკაშვილმა უკვე გააკეთა არჩევანი. მან თავისი გადაწყვეტილებით, გამხდარიყო ოდესის მხარის გუბერნატორი, უარი თქვა საქართველოს მოქალაქეობაზე. შესაბამისად, ეს გადაწყვეტილება იქონიებს გავლენას მის ყველა შესაძლო ნაბიჯზე, ყველა შესაძლო ოფიციალური დოკუმენტის გამოყენებასთან დაკავშირებით", - განაცხადა თამარ ბერუჩაშვილმა.
