საქართველოს 2-3 ივნისს ოფიციალური ვიზიტით ესტონეთის პრეზიდენტი ტოომას ჰენდრიკ ილვესი ეწვევა. ამის შესახებ საგარეო საქმეთა სამინისტროს სპიკერმა დავით კერესელიძემ დღეს გამართულ ტრადიციულ ბრიფინგზე განაცხადა.
მისი თქმით, ესტონეთის პრეზიდენტს შეხვედრები ქართველ კოლეგასთან, პრემიერ-მინისტრთან და აღმასრულებელი ხელისუფლების სხვა წარმომადგენლებთან ექნება.
ესტონეთის პრეზიდენტი საქართველოს მეორედ სტუმრობს. ბოლოს იგი საქართველოში 2011 წელს იმყოფებოდა. კერესელიძის თქმით, ოთხი წლის შემდეგ ტოომას ჰენდრიკ ილვესი ჩვენს ქვეყანაში ოფიციალურ ვიზიტს გამართავს.
„ვთვლით, რომ ძალიან მნიშვნელოვანი ვიზიტია, ვინაიდან საქართველო-ესტონეთის ურთიერთობები და ჩვენი ურთიერთობა ესტონეთთან არის იდეალური. არის ჩვენი პარტნიორი ქვეყანა ნებისმიერი მიმართულებით, იქნება ეს ევროპული და ევროატლანტიკური მისწრაფებები თუ სხვა ეკონომიკური საკითხები,“ - განაცხადა დავით კერესელიძემ.
